images
Logo

डोनाल्ड ट्रम्पले चीनलाई दिए झड्का, अमेरिकी लगानी फिर्ता लैजाने घोषणा



काठमाडौं – चीनबाट हुने आपूर्तिलाई रोक्नका लागि अमेरिकाले ‘आयात कर’ बढाउने र चीनमा रहेको आफ्ना कम्पनीलाई अन्यत्र सार्ने तयारी थालेको छ ।

चीनलाई कोरोना भाइरस महामारीको कारक बताउँदै ह्वाइट हाउसले कम्पनी सार्ने तयारी थालेको हो ।

अमेरिकाले चीनबाट विश्वव्यापी औद्योगिक आपूर्ति शृंखलाहरू तोड्ने उद्देश्यले पनि सो कदम चाल्न लागेको बुझिएको छ ।

कोरोना महामारी फैलिएयता अमेरिकी राष्ट्रपति डोनाल्ड ट्रम्पले चीन विरुद्धको आक्रमणलाई तीब्र बनाएका छन् ।

कोरोना भाइरस महामारीको कारण आर्थिक विनाश भएकाले विश्वको उत्पादन र आपूर्ति शृंखलाबाट चीनलाई बाहिर निकाल्ने उसले प्रण लिएको छ ।

आर्थिक विकास, ऊर्जा र परराष्ट्र विभागका पर्यावरण सचिव किथले ट्रम्प प्रशासनले चीनमा अमेरिकाको आपूर्ति शृंखलाको निर्भरता कम गर्ने काम गरिरहेको बताए ।

अमेरिकी वाणिज्य विभागले अमेरिकी कम्पनीहरूलाई चीनबाट अन्यत्र सार्ने उपायहरू खोज्न थालेको छ भने राष्ट्रपति ट्रम्पले यसअघि नै चिनियाँ सामानहरूमा २५% आयात कर लगाउन सक्ने चेतावनी दिइसकेका छन् ।

अमेरिकी सरकारले हाल भारत, अस्ट्रेलिया, न्यूजिल्यान्ड, जापान, दक्षिण कोरिया र भियतनामसँग विश्वव्यापी अर्थतन्त्रलाई अगाडि बढाउन काम गरिरहेको विदेश मन्त्री माइक पोम्पीओले बताएका छन् । अमेरिकाका धेरै कम्पनीहरूले चिनियाँ निर्माणमा लगानी गरेका छन् ।

प्रतिक्रिया दिनुहोस

Team